బామ్మ గారి మాట

కథ జగత్ --విశ్లేషణ

2012-01-19T20:16:00.000+05:30

కథా జగత్ – విశ్లేషణ

అన్నదాత రైతు ,రైతుల సంక్షేమమే ధ్యేయం అంటూ పల్లె బాటలు, రైతుబాటలు , పోరు బాటలు అంటూ ఎన్నో ఉద్యమాలు చేపట్టినా మునుపు కాలం లో వున్న పల్లెలకు, పల్లెప్రజలకు ఇప్పుడున్న పల్లెలకు ఎంతో తేడా కనిపిస్తుంది . ఇళ్ళు కట్టుకోవడానికే కాక అనేక వాటికి బ్యాంకు రుణాలు ఇస్తూ ప్రభుత్వం సహకారం అందిస్తున్నా ప్రజల్లో ప్రేమానురాగాలు కరువై , రాజీ లేని రాజకీయాలతో మారిపోయి , పంతాలు ,కక్ష లతో పల్లెలు అట్టుడికి పోతున్నాయి . వర్షాలు పడక , జలాలు ఇంకిపోయి, భూమి బీటలు బారి , ఎన్ని బోరు బావులు తవ్వినా ఇంకా లోతుకు పోవాల్సిన అవసరమే వస్తోంది . పచ్చగా బతికిన రైతు , వర్షాలు లేక , సేద్యం చెయ్యలేక నిస్సహాయంగా కొడుకు పంచన చేరాల్సి వచ్చే ఒక రైతు కథ “ ఎర్రని ఎరుపు “

వృధాప్యం లో ఆదరించని కన్న పిల్లలు , వారి నిరాదరణకు కృంగి పోయినా మళ్ళి కొడుకు దగ్గరికి పోవడానికి ఇష్టపడని అభిమానం . మట్టి మీద మమకారంతో మళ్ళి వెనక్కు పల్లెకు చేరినా , అభిమానాలు కరువై అనారోగ్యం దరిచేరడం , అనుకొని పరిస్తితిలో జైలు శిక్ష , చావే శరణ్యం అన్న నిర్ణయం ,ఇంత జరిగినా ఎదుటి వ్యక్తికీ హాని తలపెట్టని ఓ నిజాయితీ .ఇలా ఉత్కంట బరితంగా నడిచే కథ .

జీవితానికి దగ్గరగా ,చక్కని రచనా శైలి తో మనసును కరిగించి కళ్ళు చెమర్చేలా చేస్తుంది .ఈ కథలో పచ్చని రైతు ఎదుర్కున్న సమస్యలు , వాటికీ పరిష్కారంగా అతను తీసుకునే నిర్ణయం తో తన జీవితం “ ఎర్రని ఎరుపు “ గా కనిపించి మనసును కలచివేస్తుంది .

ఇవేకాక ఆకట్టుకునే అంశం రచయిత విషయగమనం & సందర్భాను సార వాక్య ప్రయోగం .ఉదాహరణకి

“సాగునీటి మాట దేవుడెరుగు , తాగునీటికి అరమైలు వెళ్ళాల్సిన పరిస్తితి “

‘కనీసం నాకడానికి పచ్చిక వాసన కనిపించక పశువులు దిగులు పడినాయి “

“వొంటరితనం చెడ్డ దైతే , వృద్దాప్యం అంతకన్నా చెడ్డది ”

జైలు లో ప్రారంభమై జైలులోనే అంతమయ్యే ఈకథ కరువులో పల్లెల వాతావరణాన్ని ,

బాగా బతికిన రోజుల్లో అతని మంచి స్థితిని , కొడుకు దగ్గర జీవితాన్ని ,కొడుకు నిస్సహాయాతని అర్థం చేసుకుని అభిమానంతో వెనుతిరగడాన్నికన్నులకు కట్టినట్టు చెబుతుంది .

పల్లెలలో వచ్చిన మార్పులు ,అధిక కూలి రేట్లతో మనుష్యులలో వచ్చిన బద్ధకం,ఆదరణ చూపని కుటుంభికులు, వృద్దాప్యం లో తప్పని అనారోగ్యం ,అన్నిటికి సమాధానం అతను తీసు కున్న నిర్ణయం చదివిన ప్రతిఒక్కరిని ఆలోచింప చేస్తుంది ..అందుకే నాకు ఈ కథ నచ్చింది .

ఇంత చక్కని కథని అందించిన రచయిత..టిఎస్ . ఏ .కృష్ణమూర్తి గారు , అందరికి అందు బాటు లో వుంచిన

కథా జగత్ అభినందనీయులు .

ఈ కథ లింకు http://www.kathajagat.com/katha-jagattuloki-adugidandi/errani-erupu---ti-es-e-krsnamurti

2011-12-14T21:19:00.001+05:30

తెలుగు తూలిక లో నాకథ

2011-10-05T21:36:00.002+05:30

తెలుగు తూలిక లో తొలిసారి అడుగు పెట్టాను ఒక చిన్ని కథతో చదివి మీ అభిప్రాయాలు చెప్పండి ....ఇదిగో లింకు http://tethulika.wordpress.com/http://tethulika.wordpress.com/

2011-09-04T16:22:00.000+05:30

కథాజగత్ లో నా కథ

2011-06-11T18:02:00.007+05:30

కథా జగత్ లో నాకథ ప్రచురించబడింది. చదివి మీ అభిప్రాయం తెలియజేయగలరు..

మానవత్వం..

http://www.kathajagat.com/katha-jagattuloki-adugidandi/manavatvam---laksmi-raghava

చాక్ పీసు తో చేసిన వరల్డ్ కప్ !!!!

2011-04-12T21:42:00.000+05:30

ఎర్ర చీమ అలుక !!!!!

2011-03-27T11:09:00.000+05:30

ఎర్ర చీమకు కోపమొచ్చింది!

కుట్టి చంపుతా అని కేక పెట్టింది!

"వద్దే చిన్నారి మనవరాలా......"

వయసులో పెద్ద చీమ గట్టిగా అరిచింది!
" ఎందుకె నేను తీపి తింటుంటే ఇంతగా విదలకొడ తారీ మనుష్యులు??? "

" తీపే కాదే, ఏ ఆహారమైనా వాళ్ళు ఇంతే!!

చీమల మందుతో ఉక్కిరి బిక్కిరి చేస్తారు !!

నీళ్ళ ధిక్భ్ భంధన తో ప్రాణాలు తీస్తారు!

లేదా, విదిలించి చేతితో నలిపెస్తారు !"

"అందుకేనే అడుగుతున్నా

తిండి కోసం ఆశపడ్డం తప్పా?

వాళ్ళు కూడా తింటారుగా, మేము తింటే ఏం ?

మనను చూసి ఎంత నేర్చుకుంటారు,

సంఘజీవులు చీమలన్నారు !!

మన కాలనీ లను బోలిన కాలనీలు కట్టుకున్నారు !

కష్టజీవులు చీమలంటారు!

ముందు చూపు వుండాలి చీమల్లగా అంటారు!

మన రాజు- రాణి లాగ దేశాలు యేలారు!!"

మనమింత చిన్న ప్రాణులం ,

లైనుగావేడుతున్నా నెత్తిన పొడి చల్లి చంపుతారు!!

నేను కుట్టి చంపుతా!!!"

అంది కోపమోచ్చిన ఎర్రచీమ !!

పాపం దాని కేం తెలుసు మనుషులు మనుష్యులనే చంప వేనుదీయరని!!!

సందర్సకుల మీటర్!!

2011-03-23T17:48:00.000+05:30

అబ్బ ఇన్ని రోజులకు సందర్సకుల మీటర్ పెట్టుకున్నా నొచ్ !!!!!!!!!!!!

స్వే చ్చ కొసం

2011-03-17T10:51:00.001+05:30

తురుపుముక్క లో మురళి గారి కాన్సెప్ట్ అర్టం అయ్యాక కథను ఇంకోవిధంగా ఆలోచిస్తే ఎలా వుంటుంది అన్నది రాయటం ఒక అవకాసం గా భావించి రాయడానికి వుచ్చాహ పడ్డాను. ఇంకో కారణం కూడా వుంది. కొన్నేళ్ళ క్రితం “ప్రేమ” అన్న నవలను యుద్దనపూడి, యండమూరి, మరొక రచయిత్రి రాసారు..అందులో సులోచనారాణి ప్రేమ నిండి వున్న నవలను, యండమూరి ప్రపంచస్థాయి లో ఒక ప్రాబ్లం ను , మరో రచయిత్రి మరో కోణం లో అలోచించి రాసింది నన్నెంతో ఆకట్టుకుంది...ఇప్పుడు ఒక కథ చెప్పి దాన్ని తిరగ రాస్తే....అనగానే ...అబ్బ..... నాకు ఒక ఛాన్స్ అనుకుంటూ రాసాను...ఇది అందరికి నచ్చితే నేను గెలిచినట్టే.....చదివి మీ అభిప్రాయం తెలుపుతారు కదూ....

http://turupumukka.blogspot.com/2011/02/blog-post_26.html ఒక్కసారి చూడండి !

స్వే చ్చ కొసం ....... రచన-లక్ష్మీ రాఘవ -------------------------------------------------------

అలా హటాత్తుగా మాయమైపొతే ఏమనుకుంటారు? అందరు రాచి రంపాన పెట్టింది అనుకోరూ . అలా అనుకోవాలనేకదా మీ నిర్వాకం ?” రెట్టించిన గొంతుకతో హుంకరిస్తూ వుంది వర్ధని .

భర్త రాజారావు ఆమెవంక చూడలేదు . తనను కానట్టే అటు తిరిగి పడుకున్నాడు .

“ఈ ముంగి మనిషితో ఇన్నేళ్ళు కాపురం ఎలాచేసానురా దేవుడా ..దేనికి వులకడు పలకడు !!”మళ్ళి మొదలు పెట్టింది వర్దని. వద్దనుకున్నా వినిపిస్తున్న ఆ మాటలకు నవ్వు వచ్చింది రాజారావుకి . గయ్యాళి భార్యతో తను ఎలా కాపురం చేసాడు ? దేనికైనా మాట్లాడాడా?? అమ్మ చాటున ఎలా పెరిగాడు తను? చిన్నప్పుడే తండ్రి చనిపోతే అమ్మ ఎంత కష్టపడి చదివించింది తనను ? అమ్మ కొసం, అమ్మను నొప్పించకుండా ఎలా నడచు కున్నాడు తను? చివరికి అమ్మ జబ్బు పడిపోయినప్పుడు వర్ధని సంబంధం వస్తే “వద్దమ్మ మనకు డబ్బున్న వాళ్ళ సంబంధం “ అని చెబితే “ రాజా అసలే నోట్లో నాలుక లేనివాడివి , నేను పొతే ఎలా బతుకుతావో అని దిగులు పడుతుంటే ఈ సంబంధం వచ్చిందిరా ....కలిగిన కుటుంబం ..ఐతే.. పిల్ల కాస్తా లావుగా వుంటుందిట..అందుకే మన వరకు వచ్చినారు. పైగా ఇల్లటం కావాలని వాళ్ళ కోరిక ..నీకు నేను పొతే నీకు ఎవరూ లేరురా.. ఇల్లటం పోయినా నీకూ అంటూ ఒక కలిగిన కుటుంబం వుంటుంది ..నా మాట కాదనకు” అని చెప్పి ,చేతులో చెయ్యేసి వొప్పించి పెళ్లి చేసిన నెలలోనే చనిపోయింది అమ్మ . అమ్మ పోయిన లోటు కన్నా వర్ధని చేసే పెత్తనం భరించడం కష్టం అయ్యింది రాజారావుకు .అయినా అమ్మ మాటకోసం చేసుకున్నాను ..అంతే ....అని జీవించసాగాడు .

ఇంట్లో ఏమాత్రం మాట జరగదు..దేనికైనా ఇలా చేస్తే బాగుంటుంది అనగానే “నీకు తెలియదు వూరుకో “ అనేది వర్ధని .

భర్తని నువ్వు అని సంభోదిస్తే ఇబ్బంది అయ్యేది కొత్తల్లో ..తరువాత అలవాటైంది .

.కొడుకు పుట్టాడు కాని వాడిని తండ్రి దగ్గర చేరనియ్యకుండా అంతా తానే అయ్యింది వర్ధని ..అందుకే వాడికి కూడా అలుసయ్యింది తండ్రి అంటే.....

ఈరోజు జరిగిన సంఘటన రాజారావు ని క్రుంగ దీసింది ..

.అసలేమయ్యిందంటే......

కొడుకు పెళ్లి చూపులకి వెళ్ళాలి .. “నీవు ఇంటి దగ్గరే వుండు ..నేను వాడు వెడతాం “ అంది.

మొదటిసారిగా “ నేను వస్తా “ అన్నాడు

“ నిన్ను చూస్తే వాళ్ళు పిల్లని ఇవ్వరు కూడా “

“ఎందుకు ?” అలా అడిగాడు అంటేనే ఆశ్చర్యంగా వుంది !!

“ నీవొక మనిషిలా మాట్లడగాలవా ? దేనికి నోరు తెరవలేనివాడివి ..అక్కడ మాట్లాడి సంబంధం చెడ గోడ తావు . అంతే!”

అంటే ఇలా పెంచిన కుక్క లాగా పడి వుండాల్సిందే నా ? దానికైనా మొరగడానికి స్వాతంత్రం వుంటుంది ....బాగా కోపం వచ్చింది రాజారావుకు ..వర్ధనిని ఎడా పెడా తిట్టేయ్యాల అనిపించిన్ది కాని అదిచేయ్యలేక తన నిస్సహాయ స్తితి కి ఏడు పు వచ్చింది .. అందుకే చెప్ప చెయ్యకుండా బయటకు వెళ్ళి పోయాడు ..నడుస్తుంటే కొంచం ఆవేశం తగ్గింది .కానీ వూ రికి దూరంగా వచ్చేసినట్టు అనిపించింది. అక్కడక్కడా గుడిసెలు వున్నాయి. గుడిసేలముండు స్వేచ్చగా ఆడుకుంటున్న పిల్లలు!! వాళ్ళకున్న స్వేచ్చ తనకు లేకపోయింది !!అనుకుంటూ అక్కడే వున్నా ఒక బండమీద కూర్చున్నాడు ...

గుడిసెల దగ్గరనుండి ఒక అత ను వచ్చి” ఏమీ అయ్యా వాకింగు వచ్చారా “ అని అడిగాడు.

అవునన్నాడు... ఇంకేమి చెప్పలేక... “అయ్యా చదువుకున్నోరిలగావున్నారు ...మా పిల్లకాయలకి సదువుకోవడానికి ఇస్కూలు పెట్టిన్చినారు గాని బడి పంతులు ఎవరూ రాలేదు ఇప్పటికి సంవచ్చరమాయే ...ఎవ్వరికి సేప్పుకోవాలో తెలియదు ..కొంచం సాయం సేయ్యండి “ అన్నాడు .

.రాజారావు సరే అన్నాడు .. రేపు మళ్ళి వస్తాలే “అని చెప్పాడు అనుకోకుండా ..

తిరిగి ఇంటికి నడచుకు వచ్చేసరికి నాలుగు గంటలు ఇంటికి దూరంగా వుండి పోయినట్టు వర్ధని మాటలవల్ల తెలిసింది వెనక్కి వచ్చిన రాజారావును గట్టిగా అరుస్తూ మరీ తిట్టింది వర్ధని !!

“అలా వెళ్ళిపోతే పెద్ద గుర్తింపు వస్తుందని కున్నవా..నీ గుర్తింపు అంతా వర్ధని మొగుడుగానే ..అదే నీ బతుకు !!” ఒక్కసారి గుచ్చు కుందా మాట ...

నిజమే ఇన్ని రోజులు భార్యను వదలి బయటకు వెడితే సమాజం లో బాగుండ దనే సహించాడు ..అందుకు మిగిలిందేమిటి ?

భార్య ప్రేమ చూపదు.....కొడుకును దగ్గరికి చేరనివ్వదు ..అందరు వుంటారని అమ్మ అనుకుంది కాని తానూ ఎప్పటికి ఒంటరిగానే మిగిలి పోయ్యాడని తేలిపోయింది ..

అతను మొదటిసారిగా ఏమీ చెయ్యాలని ఆలోచించడం ప్రారంభించాడు ...

నాలుగు రోజులు గడిచాయి ..పెళ్లి చూపులు అయ్యాయి ..సంబంధం ఖాయం చేసింది వర్ధిని . కానీ ఖాయం అయ్యిందని కూడా చెప్పలేదు భర్తకు .... Engagement అని రెండు మూడుసార్లు ఇంట్లో వినపడింది .ఎప్పుడూ అని అడగాలని అనిపించలేదు !!

ఈలోగా రెండు సార్లు గుడిసేలదాకా వెళ్ళి వచ్చాడు ..వాళ్ళు ఎంతో ఆప్యాయతతో మాట్లాడుతుంటే ఎంతో సంతోష పడ్డాడు ..వారితో మాట్లాడుతూ సలహాలు ఇస్తుంటే తనను వర్ధని ఎంతగా అణచి పెట్టిందో అర్టం అయ్యింది .

. “ రేపు పొద్దున్న Engagement 10 గంటలకి తయ్యారుగా వుండు “ రాత్రి పడుకునే ముందు చెప్పింది వర్ధని .

“నేనెందుకు?” మెల్లిగా అన్నాడు

“నాకూ మొగుడు ఒకడు వున్నాడని తెలియ చేయడానికేలే “ నిర్ల క్ష్యంగా అంది వర్ధని తరువాత మాట్లాడలేదు రాజా రావు .

.రాత్రి బాగా ఆలోచించాడు .. తెల్లారగానే తొందరగాలేచాడు ..స్నానం చేసి రెడీ అయ్యాడు .తను దాచు కున్న డబ్బు జేబులో పెట్టు కున్నాడు . వర్ధని బాగా నిద్ర పోవడం మరోసారి చూసి నెమ్మదిగా కదిలాడు బయటకు .. తన అవుసరం ఇక్కడి కంటే గుడిసెల వారి దగ్గరే చాలా వుంది అనుకుంటూ ముందుకు సాగాడు , engagement లో తను లేకపోయినా manege చెయ్యగల వర్ధిని జీవితం నుండి శాశ్వతంగా తప్పుకుంటూ...........

గోరు చావు.....

2011-03-03T15:06:00.000+05:30

గోరు చావు

గోరుకు బలంగా తగిలింది !

అమ్మా!!! అంటూ బాధతో నోరు తెరిచింది,

గోరుకింద నాళాలు నోరు తెరిచాయి !!

నరాలు బాధను మెదడుకు తెలిపాయి!

విపరీతమయిన నొప్పికి చేయ్యంతా జివ్వుమంది!!

దెబ్బతిన్న భాగాన కణాలు కూడ బలుక్కున్నాయి ,

రిపేరు చేద్దామంటూ నడుం కట్టాయి !!

గోరుకి వేలుకి మద్య రక్త స్రావమై నల్లబడింది !!

అయినా గోరుని వేలుని బంధించి వుంచింది !!!

కాని దెబ్బతిన్న గోరు మెల్లి మెల్లిగా వేరుపడినది!!

నానుంచి దూరమైనావు , ఇక నీకు మృత్యువే ‘’ అంది వేలు !!

క్రమంగా గోరు వదులు వూ డ సాగింది !!

ఒక రోజు చచ్చిన గోరు వేలును వీడింది !!

వేలు స్వేచ్చగా మరోగోరుకు పునాది వేసింది!!!

జీవితమూ అంతే!!

బంధం వున్నన్ని నా ళ్ళే అంటిపెట్టుకు వుండటం,

బంధం వీడగానే , ఆత్మ ఎగిరిపోగానే ,

శరీరానికి మృత్యువే!!

మరోచోట జననము ఖాయమే!!

చావు......జననము...నిరంతర ప్రయాణమే!!

---------------------------------------------------------------------------------------------------------------------------------------------

ఈమధ్య దెబ్బతగిలి నా గోరు వూడి కొత్తగోరు వచ్చిన సందర్భంగా !!!!!

కదంబమాలిక-8

2011-01-18T19:37:00.000+05:30

కదంబమాలిక-8

చిన్నప్పుడు పెద్దమ్మ దగ్గరికి మద్రాసు వెడితే మార్కెట్టు లో సైకిలు మీద బుట్టలు పెట్టుకుని అత్యంత సువాసన వచ్చే కదంబం మాలలు అమ్మేవారు. “కదంబం” అన్న పదానికి అర్థం –వివిదరకాలపూలను కలిపి కట్టడం అని పెద్దమ్మ చెప్పింది . అలా అప్పుడు నా చిన్ని బుర్రలో entry తీసుకుంది కదంబమాల !!!

ఇటివల ఒక్కసారిగా ప్రమదావనంలో సువాసనలు గుప్పున వస్తూటే వాటిని ఘాడంగా పిల్చేసి మనసు డోలలాడుతూ పరవశం లో వున్నా నన్ను కదంబమాల లో మీ పూల పరిమళం చేరుస్తా రా ? అని అడిగితె వుక్కిరిబిక్కిరి అయ్యాను ..ఎందుకంటే ...రచయిత్రులు కామంటూనే అందంగా అల్లెస్తున్న ప్రమదావన కుసుమాల మద్య అందంగా ఇమడ గలనా అని సందేహం !! కదంబమాల లో నాపువ్వు ని ఆగ్రాణి౦చి చెబుతారు కదా...

ముందు వారం ఏమిజరిగిందో గుర్తుకుతెచ్చుకుందాం ...3psmlakshmi.blogspot.com లో కదంబమాల -7 లో

---- ----- ------- ------ ------ ------- ------- ------ ---------

జానకిని చూడటానికి శ్రీరాం ,సరోజినీ , అనిత , సుభద్ర వెళ్లారు . సుభద్ర ని వద్దన్నారు కాని “నేను జానకిని చూడాలి “ అని వచ్చింది .

జానకికి ఎక్కువ దెబ్బలు తగల్లేదు. కాని మానసికంగా బలహీనంగా వుంది వీళ్ళందరినీ చూడగానే బోరున ఏద్చేసింది .సుభద్ర వెళ్ళి జానకి చెయ్యి పట్టుకుంది . అనిత సరోజినీ మంచం మీద కూర్చుని” రేపే వెళ్ళిపోదాం జానకీ.పరవాలేదు “అని అనునయించారు . శ్రీరామ్ డాక్టర్ గారితో మాట్లాడి వచ్చాడు . బిల్ పేమెంట్ పూర్తిగా తన బాధ్యత అని చెప్పి వచ్చాడు. లక్షుమ్మ ,ఆమె భర్తను ధ్యేర్యంగా వుండమని , కొద్ది రోజులు జానకిని అంటిపెట్టుకుని వుండాలని చెప్పారు. మరుసటి రోజు తను వచ్చి డాక్టర్ గారితో మాట్లాడి వెడ తానని చెప్పాడు ....

ఇంటికి వచ్చాక అనిత ఎక్కువ మాట్లాడలేదు. లక్షుమ్మ అన్న మాటలు ఆమె చెవిలో ఇంకా వినపడుతూనే వున్నాయి.”కాలేజిలో ఇతర పిల్లలకు,టీచర్లకు చెబితే అనితమ్మ మీద అల్లరి మానేస్తారుకద “ అంది ఏంతో ఆవేదనతో

“చదువుకునే పిల్లల మీద అలాటి భాద్యతలు పెట్టకూడదని అలా చేస్తే అనిత విషయం నలుగురి నోళ్ళలో పడుతుదని “అన్నశ్రీరామ్ మాటలు గుర్తుకు వచ్చాయి .

మధ్యతరగతి కుటు౦బాలలో ఎప్పుడూ ఇలాటి మాటలే వినిపిస్తాయి .దిగువతరగతి వాళ్ళు తిరగబడతారు .పై తరగతి వాళ్ళు ఎటువంటి పరిస్తితిని డబ్బు సహాయం తో సరి చేసుకుంటారు ..మధ్య తరగతివాళ్ళు తలవంచుకు పోవాల్సిన్దేనా?? అనిత ఆలోచనలు సాగిపోతూనే వున్నాయి.

మరురోజు లాలేజిలో ప్రేరణ ని కలిసింది “తన మనసులోని మాటలన్నీ ప్రేరణ ముందు వుంచింది. అనిత లో వచ్చిన మార్పుకు ప్రేరణ ఆశ్చర్యపోయింది. ఆరోజే కాలేజి లో వున్నా కరాటే క్లాసులకు చేరడానికి ఏమి చెయ్యాలో కనుక్కుని ఇంటికి వెళ్ళింది.

“నేను కరాటే క్లాసులకు చేరతాను పెదనాన్నా “ అని శ్రీరామ్ తో చెప్పింది.

“మొదట చదువు సంగతి చూడా లమ్మ. బాగా చదువుకోవాలి ఆపైనే”

“చదువులో ఏమాత్రం తగ్గను పెద్దనాన్న . నా ఆత్మరక్షణ కొసం కరాటే నేర్చుకుంటే బాగుంటుందనుకుంటున్నాను ..ప్రతిసారి నాకు తోడుగా ఎవరైనా వస్తారా అని ఎదురుచూడటం కన్నా ఇలాటివి నేర్చుకుని దైర్యం గా వుండటం మేలుకదా “

శ్రీరాం మౌనం అంగీకారం అయింది.

ఆరోజు కరాటే క్లాసు తరువాత తన ఫ్రెండ్ శశి తో పాటు ఇంటికి వస్తోంది అనిత. సర్రున ఆగింది టూ వీలర్ అనిత పక్కన ..అంతదగ్గరగా ఆగేటప్పటికి అనితకు భయ౦ వేసి కాస్త పక్కకు తప్పుకో బోయింది . ఇంతలో చెయ్యి పట్టుకున్నాడు ఉత్తేజ్ టూ వీలేర్ మీద కూర్చునే ..

“ఏయ్ అనిత , ఏమిటి ఈమధ్య కాలేజి నుండి తిన్నగా రావటం లేదా ? అంట ఆలస్యం అయింది అయింది ఎందుకటా? ఏమికత?”

“ఏయ్ , చెయ్యి వదులు “ గట్టిగా అరిచింది అనిత .

శశి బిత్తర పోయి పక్కకు వొదిగి నిల్చుంది

“ఏమిటే ..అంత గొంతుఎత్తుతున్నావు? పొగరెక్కిందా?”

ఉత్తేజ్ గొంతు పెంచాడు.

ఒక్కసారిగా అనిత స్ప్రింగు లాగాతిరిగి అతను పట్టుకున్న చెయ్యి నేర్పుగా మెలితిప్పి వంచి అతని వీపుమీద ఒక్కతన్ను తన్నింది . అనిత అంత ఫాస్టుగా అలా కొడుతుందని వూహించని ఉత్తేజ్ కిందపడ్డాడు. కాని మెరుపులా లేచాడు వెంటనే వెహికల్ పౌచ్ లో ఉన్న ఆసిడ్ బాటల్ ని మెరుపులా తీసాడు .మూత తీయడానికి ప్రయత్నిస్తుండగా అనిత మల్లి అతని చేతిమీద కొట్టింది కాలుతో. ఆ ఫోర్సుకి బాటల్ మూత ఎగిరిపడి ఆసిడ్ ఉత్తేజ్ ఛాతిమీద పడింది.

“అమ్మ....అమ్మా ....మంట..” ఆసిడ్ పడ్డ ప్రదేశం కాలిపోతుంటే కింద పడి కొట్టుకోసాగాడు .

అనిత వెంటనే శశి చెయ్యి పట్టుకుని లాగి ‘పద” అంది.

ఉత్తేజ్ చుట్టూ జనం మూగారు ..

“నాకు భయంగా వుందే అనితా”

“భయం ఎందుకే? మనం ఏమి తప్పుచేయ్యలేదే...చెడును ఎదిరించాం అంతే ..చెడును ఎదిరిస్తే తప్ప మంచి పెరగదు ..శశి ..ఇందుకే నేను కరాటే నేర్చుకుంది “అనిత వాయిస్ లో ధైర్యానికి శశి ఆశ్చర్య పడింది .ఇన్ని రోజులు చుసిన అనిత వేరు ఇప్పుడు చూస్తున్న అనిత వేరు అనిపించింది శశికి .

ఇల్లు చేరాక శ్రీరామ్ తో “ మీతో మాట్లాడాలి పెదనాన్నా “అంది అనిత అక్కడే వున్నా నారాయణమ్మ, సరోజినీ కొంత ప్రస్నార్తకంగా చూసారు ..

“ఏమిటమ్మ అనితా” అన్నాడు శ్రీరాం .

నెమ్మదిగా జరిగింది అంతా చెప్పింది అనిత.

“ఇప్పుడు చెప్పండి పెదనాన్నా నేను కరాటే నేర్చుకుంది మంచిదయిందా...లేదా “

అప్పుడు తేరుకున్నారు నారాయణమ్మ , సరోజినీ....

“అనితా....” అంటూ ఒక్కసారి అక్కున చేర్చుకుంది నారాయణమ్మ .

“నాలో ఇంత ధైర్యం రావడానికి కారణం నీవుకూడా పెద్దమ్మా..ఏంతో నిష్టతో సంకల్పం చేసి పూజ చేసె నిన్ను చూసి ,నేనుకూడా భగవంతునిమీద నమ్మకంతో ,ధృడమైన సంకల్పం తో ధైర్యం గ ఎదురుతిరగ గ లిగాను ..

అనిత ఆత్మవిశ్వాసానికి అబ్బురపడి సరోజినీ ఆప్యాయంగా అనిత తలనిమిరింది ..

అప్పుడు అన్నాడు శ్రీరాం

"నిన్ను చదువు కోసమని ఇక్కడకు పిలుచుకు వచ్చాను కాని ఇంత తొందరగా నీలో ఆత్మవిశ్వాసాన్ని పెంచుకుని ఒక ఆత్మ స్థయిర్యం కల మనిషిగా ఎదుగుతావని వుహించలేక పోయాను ..చుట్టూ ఇలాటివారు తయారైతే ఎంతమందో “జానకి”లను రక్షిపవచ్చు ..తనను తానూ ఎలా రక్షించు కోవడం ఎలానో నేర్పవచ్చు ..అయిన మనం పోలిస్ స్టేషన్ కు వెళ్ళి నీమీద దాడి జరిగినట్టు..ఆత్మ రక్షణ కై నీవు ఎదురు తిరిగినట్టు స్టేట్మెంటు ఇచ్చి వద్దాము పద “

తనను ఇంతగా సప్పోర్టు చేస్తున్న పెదనాన్న ఫామిలీ కి చెయ్యెత్తి దండం పెట్టింది మనసులో.

“అనిత చదువుకుని ఐ.ఏ. స్ అవుతానని అన్నావు .ఇప్పుడేమో రూటు మార్చావు. Future లో ఏమి చేయ్యదలుచుకున్నావు? అడిగింది సరోజినీ

అనిత సమాదానం ఎలావుంటుందో తరువాతి బాగం లో................

కదంబమాల-9 శ్రీలలిత గారి బ్లాగులో చదవండి http://srilalitaa.blogspot.com/2011/01/9.html

.....

జ్యోతి కి పుట్టిన రోజు శుభాకాంక్షలు

2010-12-20T17:02:00.000+05:30

జ్యోతి ప్రకాశిస్తుంది

చీకటిని పారద్రోలుతుంది!

మా జ్యోతి ప్రమదావన జ్యోతి

శోదించి పరిశోధించి గెలిచింది అంతర్జాలం లో !

అందుకే ఆమె బ్లాగు గురువు !

అంతర్జాలం మెలుకువలు నేర్పిందినాకు!

కాని శిష్యురాలిగా కన్నా

అమ్మగా నిండుగా ఆశీర్వదించాలని ఆశ !

జ్యోతీ,

మీరు ఎంతో ఎ దగాలని

మీ ప్రత్యేకత అందరికి తెలియాలని,

ఇలాటి పుట్టినరోజులు ఎన్నో జరుపుకోవాలని

కోరుకుంటూ

ప్రేమతో

లక్ష్మీ రాఘవ

కావాలి మరణం చిరునామా

2010-10-13T19:57:00.000+05:30

,
జీవితం మరణం కొసం చేసెప్రయాణం
మరణం జీవితం కోసం ఇచ్చే పాస్పోర్టు –కోల్దన్
ఎంత బాగా చెప్పారు అనిపిస్తుంది ...
కాని ఆత్మీయుల మరణాల లిస్టు పెరిగితే
దుఃఖం ఎంత లోతైనదో తెలుస్తుంది !
ఏబై ఏళ్ల తమ్ముడి మరణం తో
క్షోబించిన మనసును అనునయిస్తూ వుంటే
టక్కున నా పాస్పోర్టు రెడీ అంటూ బావ అనుసరించాడు..
అక్క ముత్తైదుతనం వెక్కిరించింది ....
ఏభైఏళ్లు కలసివున్న మనిషి హటాత్తుగా
ఎలా వెళ్ళిపోతాడు? అన్న అక్క ప్రశ్నకు
సమాదానం చెప్పలేక మౌనమే శరణ్యం!!
ఇంతలో అత్యన్త ప్రియమైన స్నేహితురాలు
నీవు అమెరికా వేడితే , నేను పరలోకానికే వెడతా
అంటూ “టా టా” చెప్పింది!
నలబై ఏళ్ళ మా స్నేహబంధం వెక్కిరించింది !
తను లేని ప్రపంచంలో జ్ఞాపకాల దొంతర
కదిలిస్తూ వుంటే......మేనకోడలు కేకపెట్టింది...
తనకడుపులోబిడ్డ బయటి ప్రపంచాన్ని చూసిన
గంటలోనే ‘నేపోతున్నానమ్మా’ అంటూ కన్నుమూసాడని!
కడుపుకోతను, కన్నదుఃఖాన్ని ఎవరు
సముదాయించి సమాధానం చెప్పగలరు?
తన నటనా చాతుర్యంతో అందరినీ ఆకట్టుకుని,
అనురాగ వెల్లువతో అందరి ప్రేమను గెలుచుకుని,
ఆస్పత్రి పాలైన తల్లికి సేవచేస్తానంటూ వెళ్ళిన వియ్యంకుడు
టక్కున స్వర్గానికి నా అవుసరం వచ్చిందంటూ పయనమై వెళ్ళీ పోతే..
షాకు తిన్న మా మనసులుజీర్ణించు కోలెక, ఆక్రోసించాయి ...
ఇలా మరణాల లిస్టు పెరుగుతూ వుంటే
మనసు బాధతో రోదిస్తువుంటే
ఇంట్లో చిన్న అనారోగ్యం అయినా
వులిక్కి పడటం అలవాటవుతూ వుంది!
ఎందుకింత ఆరాటం జీవితం మీద !
ఎందుకింత ఆప్యాయత అయినవారి మీద?
జ్ఞాపకాలు శకలాలై గుచ్చుకుంటూనే వున్నాయి
పోయినవారి మరణం క్షణమై తే
మిగిలినవారి మరణం క్షణ క్షణమూ......
ఎన్ని రోజులు కలసి ప్రయాణం చేసినా
ఏ బంధమూ వెంట రాదన్న వేదాంతం తెలిసినా
పిచ్చి మనసు కలత పడుతూనే వుంది.
అంతర్మదనం చిలుకుతూనే వుంది.
అందుకే కావాలనిపిస్తుంది నాకు మరణం చిరునామా
మనసును సమాదానపరుచుకునేందుకు
పుణ్య,పాపాలు మూట కట్టుకునెందు కు !
బంధాలకు స్వస్తి చెప్పేటన్ దుకు !

సమస్యలు

2010-08-12T02:17:00.001+05:30

నిర్మాల్యం లో అమూల్యం

2010-08-05T23:13:00.000+05:30

క్లే తో చెయ్యి

2010-07-30T04:10:00.000+05:30

మై ఆర్ట్ వర్క్

2010-07-30T04:07:00.000+05:30

ఇదేనా కోరుకుంది?

2010-07-28T02:21:00.000+05:30

ఈజీవితం సుఖం గ గడపడం కొసమే అన్నట్టు జీవించాలని ప్రయత్నిస్తాము.పెళ్ళి ,పిల్లలు కొరుకున్నట్టు గానే జరిగితే ఇక ధ్యేయం అంతా పిల్లల ఆలనా, పాలనాల విషయాల తోనే!తరువాత పిల్లలు పెరిగేకొద్దీ వారి చదువులూ ..భవిష్యత్తూ ..దానికొసం పరుగు పందెం లా, అలసట లేకుండా శ్రమించడం!ఎంతసేపూ వాళ్ళు చదువుకుని ఎలా పైపైకి ఎదుగుతారనే తపన...తమగురించి అలోచనలే వుండవు ..ఎంతసేపూ వారిభవిష్యత్తు కొసం ధనార్జన...ఎలా పొదుపు చెయ్యాలి ?? వాళ్ళు ఏలైనులొ వెడితే బాగుంటుంది...ఇదే యోచన ఏ ఇంజినీరొ , డక్టరో అయితే వారు సెటీల్ అయ్యరనే తృప్తి ఆపై వారు పై చదువులకొసంవిదేశలకు వెడతామంటే అదొ ఆనందం! పిల్లలను సరైన దిశలొ పెట్టమన్న తృప్తి !! అల్ల పిల్లలందరు విదేశాలకు వెళ్ళిపొతే మనమూ ఒకసారివెళ్ళి విదేశాలకు వెళ్ళి వచ్చామన్న హోదా!కాని అది ఎన్నాళ్ళు ..........ఈ జీవితపు పరుగు పందెం లో అలిసి...రిటైరైనాక తమగురించి ఆలొచించుకునే టైము దొరికినప్పుడు ' పిల్లలతో సంతృప్తి అయిన జీవితం గడిపామా?' అని ఆలోచించుకునే తీరికవున్నప్పుడు పుడుతుంది ఒక చిన్న కొరిక...సంతృప్తిగా మనమలతో, మనవరాళ్ళతో ఆడుకుంటూ సంతొషంగా గడపాలని .........ఈ కొరిక బలీయమై విదేశాలకు వెళ్ళి ఆరు నెలలౌగడిపినా తిరిగి స్వదేశం బయలుదేరక తప్పదు....తిరిగి వచ్చాక జ్ఞాపకాల చిట్టా పెరుగుతూ మన్సులొ బాధను పెంచుతుంది.చిన్ని బోసినవ్వులు మిస్ చేస్తూ మరోసారి వాళ్ళను చూడాలన్న కొరిక చంపుకొలేక, ఆర్థికం , ఆరొగ్యం సహకరించక మనసు మూగగా రొధిస్తూవుంది.తీరికగా, తృప్తిగ జీవించాలి అన్న కొరిక ఎంతో దృడంగా అనిపించినప్పుడు ....ఇన్ని రొజుల పరుగులు గుర్తుకువచ్చి ఏమి అనుభవించాము ? పిల్లలను ఇంతగా చదివించి వారిని విదేశాలకు పంపించి ?? జీవితచివరి మజిలీలో కోరుకున్న, కలసివుండాలనే సుఖం ... మనుమల ముద్దు మురిపాలు... రాత్రి పూట చెప్పాలనుకునే చిట్టీపొట్టీ కథలు...తినిపించాలనుకునే గొరుముద్దలూ మిస్ అవటం లేదా ఇదే నా కొరుకున్నది? అనిపించక మానదు......అయినా జివితం సాగుతూనే వుంటుంది.....

కథాజగత్ కథ కు విశ్లేషణ

2010-07-11T00:40:00.000+05:30

స్వయంవరం-రచన ..అల్లురిగౌరిలక్ష్మి
స్వయంవరం....అల్లురి గౌరి లక్ష్మి గారి కథ అందరికి ఒక మామూలు కథ లాగ అనిపిస్తుంది..కాని ఆలొచిస్తే ఒక మంచి సందేశం కనిపిస్తుంది..అందుకే నాకు నచ్హింది.ఒక పెళ్ళి అయిన అమ్మాయి పక్కింటి కుర్రాడి తో లేచిపోతే పరువుపొయిందనుకునే పుట్టింటివారు , సమాజంలో అందరూ ఏమనుకుంటారో అని, అందరూ తమకుటుంబాన్ని వేలెత్తి చుపుతారనే భయం !!అంతేకాదు అలా లేచిపోఇందనగానే తద్దినాలు పెట్టి చచ్చిపొయిందని చెప్పే తల్లిదండ్రులు, భర్త యెంత కష్టం పెట్టీనా భర్త్త దగ్గిరే నే నీ బతుకూని బొధించేవారు, భర్త తక్కువ చదువుకున్నా , అంతస్థులో తక్కువ అయినా సర్దుకు పోవాలమ్మా అని చెప్పే పుట్టింటివాళ్ళు చాలామందే వున్నారు ..ఎంతసేపూ పరువు ప్రతిష్టా అని ఆలొచిస్త్తారే తప్ప..అమ్మాయి అత్తగారింట్లో యెంత సుఖపడుతోంది అని తెలుసుకోరు...పెళ్ళిచేయగానే బాధ్యత తీరిపోదు. అమ్మాయి ఇంట్లోంచి పారిపోవాల్సిన పరిస్తితి యెందుకువచ్చిందో తెలుసుకొవడానికి ప్రయత్నిచరు ..చివరకు అమ్మాయి నిర్ణయం నచ్చక బరితెగించిందనే అనుకుంటారు తప్ప .....యెలావుందో అలోచించరు..ఈ కథలొ రేణుతో వదిన కామేశ్వరి " వ్యక్తికి, వ్యవస్థకూ ఘర్షణ ఏర్పడినప్పుదు వ్యక్తిధర్మాన్నే ఉత్క్రుష్టమైనదిగ అంగీకరించాలి. ఎన్ని నీతి భొధలు విన్నా మనిషి తన సుఖం తరువాతే సమాజం గురించి ఆలోచిస్త్తాడు. అది మానవనైజం , కాదనలేని నిజం " అన్న మాటలు ఈ కథకు హైలైటు.రేణు జీవితములొ వివేక్ వంతి సంస్కరవంతుడు తారసపడటం తన అద్రుష్టం. . .. .
http://www.kathajagat.com/katha-jagattuloki-adugidandi/svayanvaram---alluri-gaurilaksmi

andhrabhoomi monthly lo naa katha

2010-07-03T02:02:00.000+05:30

అమెరికాలో .......

2010-06-02T22:00:00.000+05:30

అమెరికాలో .......
సియాటిల్ అందాలు చెప్పడానికి వీలుక్కదు చూస్తే తప్ప!!!!!!! ఎటుచూసినా ఒక అందమైన ద్రుశ్యం!!!!! పచ్చని చెట్లు..అవే పైన్ చెట్లు ఆకాశాన్ని అందుకొవాలని ఆశ పదుతున్నట్టు వుంటుంది...అసలే రాయలసీమ నుండి వచ్చినదాన్ని కదా..రాళ్ళుతప్ప...పచ్చదనాన్ని ఎరుగను ..ఈ అందాన్ని అస్వాదించాలా ..ఇది నా దేశంలో లేదని బాధ పడాలా???

2010-05-06T10:23:00.001+05:30

అమెరికా లో ధ్యానం
-------------
అమెరికా లో అన్నిటికంటె నచ్చింది కంఫ్యూటర్ 24 గంటలూ అందుబాటు లో వుండటము.యూ టూబు లో రకరకాల స్వామీజీల ప్రసంగాలు వినడం,రకరకాల ద్య్హానాల గురించి తెలుసుకొవడమే కాదు వేదాంతం నుండి వంకాయ పచ్చడీ దాకతెలియచెప్పె విశ్లేషణలు .....ఇంకేమికావాలి? అందుకె అక్కడ వుండ బోతున్నా 6 నెలలూ హయిగా ద్య్హానం, వేదాలు , పురాణాలు అన్నీ తెలుసుకుంటూ నాలోని ఆధ్యాత్మికతను మెరుగు పరచు కోవాలని నిర్ణయించుకుని ఆ అన్వేషణ లో పడ్డాను
ఆ రోజు ఒక స్వామీజీ చెప్పిన విధంగా ఓ అరగంట కళ్ళు మూసుకుని ధ్యానం చేసుకుని పడుకున్నాను .
అలా నిద్రలో జారుకుంటుంటే కప్పుకున్న రజాయిలో నాగుండె చప్పుడు నాకే వినిపించసాగింది. చెవిదగ్గర శబ్ధం లబ్ డబ్ అంటూ లయబద్దంగా తాళం వేసినట్టయింది.ఇండియా లో మా వూర్లో నాకెప్పుడూఆ ఇలా నా గుండె చప్పుడు నాకే వినిపించిన గుర్తు లేదు మరి ఇప్పుడో ? అమెరికా వాతావరణమా లేక కప్పుకున్న సింథటిక్ రజాయి ప్రభావమా?
యేదైనా అలా నా శరీరంలోని శభ్ధాలు నన్నే ఆశ్చర్య పరిచాయి
మరురోజు ....గుండె చప్పుడు మరింత ఫాస్టుగ వున్నట్టుగ అనిపించింది .ఇదేదో కొత్త ఎక్స్పిరీన్స్! నిశ్శబ్ద్దమైన వతావరణంలో చెక్క ఇళ్ళల్లో సంకొచ వ్యకొచ శబ్ద్దాలు అలవాటైనట్టె నా గుండె చప్పుడు నాకు అలవాటవసాగింది.బహుశా ధ్యానంలో ఒక మెట్టు పైకివెళ్ళానెమో !మనసులోని ఆలోచనలను దూరం చేసుకునే కార్యక్రమంలా శరీరం లోని శబ్దాలు కూడా ఇలా వినపడుతూ చివరికి దూరం ఐ మనసు నిర్మలం చేస్తాయా? ఏమో !!
తరువాతి రోజు...
రాత్రి వొంటి గంట సమయంలో తలలో రక్తం విపరీతమైన వేగంతో పరుగెడు తున్నట్టూ ,ఎవరో తలమీద కొడుతున్నట్టూ ఫీలింగ్ !!అది ధ్యానం లో మరో మెట్టా ?? నన్ను నెను కంట్రొలు చెసుకొవడానికి నా మెదడు ప్రిపేరు అవుతోందా??
ఏది ఎమైనా చాలా అనీసినెస్ . వొళ్ళంతా నిస్సత్తువ! వేగంగా కొట్టుకుంట్టున్న గుండె !!! లేచి రెస్టు రూం కు వెళ్ళి వస్త్తె చాలా నీరసంగా అనిపించింది .ఒక పెయింకిల్లర్ టాబ్లెట్టు వెసుకుంతే కొంచం నయం అనిపించింది కాస్సెపటిలో వొళ్ళంతా చల్లబది చెమట పట్టింది .
పొద్దున్నే లేచి నా కూతురికి రాత్రి ఎందుకో ఇలా జరిగింది అనగానే వుండు అంటూ బి.పి మిషను పెట్టి చూసి 'ఒహ్ 190/90 వుంది ముందు బి పి టబ్లెట్టు వెసుకో ..నయం ఇప్పుడైనా చెప్పావూ అని కోప్పడింది !!
అరే ఇది బి.పి వల్లనా !!! ఇంకా నేను ధ్యానం లో ఎదుగుతున్నాను అని అనుకున్నాను బి.పి లో ఎదిగిపొతున్ననని తెలియలెదూ అని కూతురికి చెప్పలెదు. ఆరోజు నుండి వుప్పులేని కూడు తొ ఆరోగ్యం కూడదీసుకునేందుకు ప్రయత్నం చేసా!!!
ఇదండీ నా అమెరికా ధ్యానం !!!!!!!!!!!

streela sammeaస్త్రీల

2010-03-27T12:45:00.000+05:30

స్త్రీల సమ్మె

స్త్రీలంతా సమ్మె చేయాలని వున్నారు!

యెందుకనీ?

కడుపులో బిడ్డ ఆడపిల్ల అని తెలియగానే

బ్రూణ హత్యలు చేయిస్తున్నారని!

తప్పించుకుని గర్భం నుండి బయటపడితే

కన్నతండ్రే చెత్తకుప్ప పాలుచేస్తాడని !

పదేళ్ళ వయసొస్త్తే గొడ్డులా చాకిరీ చేయిస్తూ

జీతానికి బలిపశువుని చేస్తారని !

ఆపై వయసు వచ్చి అందంగా తయారైతే

అత్యాచారానికి ఎదురుచూస్తారని!

ప్రేమంటూ వెంటపడితే కాదన్నందుకు

పొంచివుండి ఆసిడ్ దాడులకు ఆహుతి చెస్తారని!!

కట్నాలవేలంపాట్లో గెలుపొంది భార్యైతే

మరింత ధనాశ తో హత్య చేసి ఆత్మహత్యగా చిత్రీకరిస్తారని!

ముసలి వయసు వస్తే కన్నపిల్లలే

ముసలిదాని చకిరీ మాకొద్దు అంటూ

ఈడ్చి బజారుపాలు చేస్తారని!!

ఎందుకు బతకాలి?

ఎవరికొసం బతకాలి?

అత్యాచారాలు చేయంచుకోవాలనా?

అడుగడుగునా దోపిడీ కి గురికావలనా?

అందుకే వద్దు మాకు ఈ జీవితం !

రాజీనామాలు చేస్తాం !!

తల్లిగా, పిల్లగా, వనితగా భార్యగా, అమ్మమ్మ,నాయనమ్మలుగా !!

సహరించము సంపర్కానికి!!

బతకండీపురుషులూ స్త్రీలు లేని సమాజంలో!

మా సమ్మే కొనసాగుతుంది!!

రచన

లక్ష్మీ రాఘవ,

tammudi maraNam

2010-02-15T17:06:00.000+05:30

తమ్ముడు మరణించిన తరుణంలో
మనసు బాధతో మూల్గుతుంటే,
88 యెళ్ళ అమ్మ పుత్రశొకంతో ,
దేవుడిని నిందిస్తూ వుంటే,
మన ప్రారభ్ధ కర్మ అని చెప్పలేక,
మరణం ఇదీ అని స్పస్టతలేని తమ్ముడి పిల్లలను చూసి
వారిముందు కన్నీరు కార్చలేక,
అతన్ని మరువలేని స్థితిలో,
పరిస్థితిని జీర్ణించుకొలెక,
మస్థిష్కాన్ని మభ్యపెడుతూ ,
బాధని మరుగున పెడుతూ,మామూలుగా వుండాలని చెసే ప్రయతనం ఒక నరకం...
.మరణం గురించి అనుభవం ఇలా రాసేల చేసింది.....

varuNiDi nestam

2009-09-13T17:08:00.000+05:30

వరుణిడి నేస్తం----------------
దేవతలంతా పోట్లాడుకుంటున్నారు,
ఇంద్రుడికి తలనొప్పిగా తయారైంది.
స్వర్గం ఓ నరకంలా కనిపించసాగింది
గ్రూపు రాజకీయాలతో స్వర్గం అట్టుడికి పోతూంది.
బ్రహ్మ,విష్ణు , మహేశ్వరుల అధిష్టానానికి తెలియచేయాలా అన్న సందిగ్దంలోపడ్డాడు ఇంద్రుడు.
ఇంతకీ స్వర్గంలో అంత కల్లోలానికి దారితీసిన కారణాలు ఏమిటి?
భూలోకంలో ఆంధ్ర రాష్ట్ర్హంలో మొదలైన జలయజ్ఞం తో మొదలైంది.
ఆ జలయజ్ఞం లో స్వర్గం నుండి ఓ అమ్రుతధార జారి తొడ్పడం తో దేవతల ఆయుష్హుకే దెబ్బ అయింది.
అమ్రుతం కరువై దేవతలు మామూలు మనుష్యులైపొయారు!
అమ్రుతాన్ని కోల్పొయేలా చేసిన ఇంద్రుడికి స్వర్గాన్ని ఏలే అర్హత లేదని వారి వాదన!
అతన్ని తప్పించి మరో నాయకుడిని ఎన్నుకోవాలని వారి తాపత్రయం!
అధిష్టానికి అర్జీ పెట్టారు!
మరో నాయకుడి కోసం గాలింపు మొదలైంది!!అన్నివర్గాలవారికి, అన్నివిధాల సహయపడే నాయకుడు కావాలి.
వ్యక్తి,వర్గ భేదం లేకుండా అన్నిటి అభివ్రుద్దికి క్రుషిచేసే మనిషి కావాలి..
పథకాలను ధ్యైర్యంతొ అమలుచెసే అభయహస్తం కావాలి!
దేవతలందరి జీవితాలలోనూ వెలుగునింపే తేజోరాసి కావాలి
అన్ని వయసుల వారికీ అహర్నిసలూ లాభం చేకూర్చే పథకాలను తీసుకురావాలి!
అంతేకాదు,అలాటి పథకాలను అమలుచేయడానికి సాహసొపేత నిర్ణయాలు తీసుకొగలగాలి.
ఇలా సంక్షేమ, అభివ్రుద్ది కార్యక్రమాలను చేపట్ట గలిగేలా , ఒక రాజకీయచతురుడి వేటలో ,తారసపడ్డాడు వారికి ఆంధ్ర రాష్త్రముఖ్యమంత్రి రాజశేఖరుడు!!
అన్ని అర్హతలూ వున్న వాడు, మాటకోసం మడిమతిప్పని వాడు!ప్రతిదీ చిరునవ్వుతొ జయించేవాడు!
మరి అతన్ని రప్పించుకోవడం యేలా?
వెంటనే అతని సన్నిహితుడి కోసం వేట మొదలైంది!
అతడికి అన్నివిధాల తోడైనవాడు వరుణుడని తేలింది.వరుణిడిని సంప్రదించారు.కాని వరుణుడు "అతను నాకు అత్యంత ప్రియ మిత్రుడు..నేను అతన్ని స్వర్గానికి తీసుకువస్తే ప్రజలు దుమ్మెత్తి పొస్తారు అని ..ససేమిరా.."అన్నాడు.
దేవతలకు ఏమిచెయ్యాలో తోచలేదు.
మేధావుల్ని సంప్రదించారు.
ఓ పథకాన్ని ఆలోచించారు.
రాజశేఖరుడి జాతకాన్ని పరిశీలించారు.అతనికి కలసిరాని వాస్తు నిర్ణయాలు జరిగేలా చూసారు.బుదవారం,వర్షం అతని జాతకానికి అశనిపాతం అని గుర్తించారు.జూలైలో వచ్హే చంద్రగ్రహణం,సంపూర్ణ సూర్య గ్రహణం గడియలలో నాంది ముహూర్తం పెట్టారు.వ్యతిరెఖ ఫలితాలకు ఎదురుచూసారు.వారు కోరుకున్నట్టే బుధవారం, వర్షం రోజున 'రచ్చబండ ' కార్యక్రమం అంటూ హెలికాప్టరులో బయలుదేరాడాయన!
ఇంతా చేసిన తరుణంలో వరుణుడు నేనీపని చెయ్యను అని మొరాఇంచాడు.
అందుకే అతను బయలుదేరినప్పుడు వర్షం లేదు.దేవతలంతా అతను స్వర్గానికి రావడం ఎంత ముఖ్యమో వరుణిడికి వివరించారు.కొంతవూరట చెంది వరుణుడు ప్రతికూల పవనాలను సౄష్టించాదు.
ఒకవైపు వర్షం,దిగువ దట్టమైన నల్లమల అడవులు, కనుచూపుమేరలో క్రిందికిదిగడానికి వీలుకాకుండా జాగ్రత్తపడ్డారు దేవతలు.హెలికాప్టరుకు సాంకేతికలొపాన్ని కలిగించారు.దట్టమైన మేఘాల్ని అడ్డుపెట్టారు!
ముందు కానరాక ,వెనుతిరగలేక,కొద్దిగా క్రిందికి దిగితే ఓ చెట్టుని కొట్టుకొని 'డాం!' అని పేలిపొయింది హెలికాప్టరు.
ఒక్కసారిగ రాజశేఖరుడి ఆత్మ పైకి ఎగసింది.ఎగసిన అతని ఆత్మను పూలరథంలో కూర్చుండపెట్టారు దేవతలు.అత్యంత ఆనందంతో అధిష్టాన ఆస్థానానికి రివ్వున వెళ్లారు!
భూమి మీద అతని అభివ్రుద్దికి ఎంతొ తొడ్పడిన వరుణుడే అతన్ని భూమికి, అతని ప్రజలకు దూరం చేసానని బోరున విలపించాడు.ఇడుపుల పాయల చేరుకుని స్తబ్దుగ కలియచూసాడు.తన మిత్రుని ఖననాన్ని నిశ్సబ్దంగ తిలకించాడు.గుండె బరువై ఇడుపులపాయలొ బోరున విలపిస్త్తూ కన్నీళ్ళు కార్చాడు!!
ఆపై స్వర్గానికి వెడితే రాజసం వుట్టిపడుతూ, అదే చిరునవ్వుతో అతన్ని చూసి అత్యంత ఆనందాన్ని అనుభవించాడు! ఆప్యాయంగా అతడిని స్ప్రుశించాదు.
'ఎలా వున్నావు మిత్రమా" ఆప్యాయతతొ కూడిన పలకరింపు విని తలదించుకున్నాడు.
"బాధపడకు మిత్రమా..నీవు నా వొక్కడికొసం కార్యం నిర్వర్థించావు. ప్రజలు నన్ను వీడలేదు చూడు 350 మంది నాకోసం వచ్హారు ,ఇక ఇక్కడ కూడా మంచి కార్యక్రమాలు చేపడదాం. నీ సహయం కావాలిసుమా.." అంటూ చిరునవ్వు నవ్వాడు.
స్వర్గం లో దేవుడిలా వెలుగొందుతున్న రజశేఖరుడిని చూసి సంతొషపడి ఈవార్త ఆంధ్ర రాస్ట్రానికి తెలియచేస్తనంటూ సుడిగాలిలా క్రిందికి దిగాడు వరుణుడు.కుంభవ్రుష్టి లా కురుస్తున్న వర్షమే అతని భాష అని తెలియక రాజశేఖరుడిని కొల్పోయామని బొరున విలపిస్తూ నే వున్నరు యావత్ తెలుగువారు!!!.

Reply Reply to all Forward

2009-09-04T13:54:00.000+05:30

మేలుకో ప్రభూ!!

------------------

ఏడూకొండలవాడు,ఆపద మొక్కులవాడు,

అఖిలాండకొటీబ్రహండ నాయకుడు,

అతని ఆర్జన భారతదేశంలొ రికార్డు!

ప్రపంచంలొ వెటికన్ కు పోటిదారు!!

పెళ్ళీ కోసం కుబేరునితో కాసులబేరంచెసినవాడు !!

భక్తజనరక్షకుదు !అందుకే 'క్షణం' దర్శనానికిబోలెడు ముడుపులను చెల్లింపచే సుకునేవాడు!!!

భక్తుల నిలువుదోపిడీలేకాదు, వజ్రకిరీటాలు,వజ్రహారాలు కుఆడా కానుకలె !!

అందుకే మూడొందల డాలర్ల లెక్కదొర్లిపొయినా వుల్లిక్కి పడలెదు !!!

తన సామ్రాజ్యంలొ కోదండరాముని ఆలయంలోపూజారే ఆభరణాలు తాకట్టు పెడితే

కన్నులు మూసుకొని చల్లగానే వున్నాడు !!

పూజారి కష్టాలకు ఆవిధంగా సహాయ పడెనా!!లేక అతని పాపాలకు పరాకాష్ట కావించెనా !!

వున్న నగలు యెక్కువై , తనికీలు కరువై

కొనేటి రాయడు కలికాలంలొకర్పూర నామం వెనుక కనులు మూసి నిదురించెనా!!

చెవుల ఆ భరణాలు, అవినితి, అక్రమాలను వినిపించకుండా చేసెనా !!

అమ్మవారి వియోగంతొ ఆదమరిచెనా?

భక్తుల రక్షించే ఆపదమొక్కులవాడా

కొట్ల విలువ చెసె నే ఆ భరణాలనేకాదు

వేల యెకరాల నీ భూమి కబ్జాలను పరికరించు

నల్లధనానికి నీ హుండి పచ్హదారి కానివ్వద్దు

అధర్మం పెరిగిపొతూంది , ధర్మాన్ని రక్షించేకాలంఆసన్నమైంది

మేలుకో ప్రభూ!!
Rachana- lakshmi raghava 3-99, appagari street,kurabalakota-517350chitoor dist-AP

2009-09-01T12:09:00.000+05:30

అమ్మవారి ఆవేదన

అలివేలుమంగమ్మ అలిగికూర్చుంది!

వెంకటేశ్వరుదు ఏడుకొందలూ దిగివచ్హిఎంత అనునయించినా అలకతీరలేదు!

చివరకు గళం విప్పింది అమ్మవారు!

సీతమ్మ వారిని పేరంటానికి పిలవాలనికోదండరాముడి ఆలయానికి వెడితే

నగలు తాకట్టులొ వున్నాయని సీతమ్మ ఆవేదన!

తాకట్టూ స్వామివారి అనుమతి తొనే అన్నాడట పూజారి!

మరి,మీ వారి మూడొందల డాలర్లు కూడా తాకట్టేనా? అని ఆరా!

యేమని సమధానం చెఫ్ఫాలి?

నగలన్ని తాకట్ట్లకూ,దొపిడీలకు వెడితే యెలా స్వామి?

మన పదకొండున్నర టన్నుల బంగారం క్షేమమేనా?

ఇలా కోట్లాది రూపాయలు గల్లంతయెతేరేపు కుబేరుని అఫ్ఫు తీరెదెలా?

బొఖ్ఖసం తాళాలైన భద్రపరుచుకోవాలి కదా!

మీ కళ్ళ కు కస్థూరి నామంతొ గంతలు కట్టి

మీ మొలతాడు కూడ తెంచుకు పోతారేమొ !

మీ చెవులకు అడ్డంగా ఆభరణాలు కఫ్ఫిఅవినీతి ,అక్రమాలను మీ చెవిని పడకుండా చెస్థున్నారు!

పొనీ శివుడిని సలహా అడుగుదామంటె

ఇంటి దొంగలను ఈశ్వరుడిన పట్ట లేడంటారు!

ఈసారి శోధించి పరిశొధించీ కారకులెవరొ తెలుసుకుని

వారి పాపాలకు పరాకాష్టా కావించి,శిక్షించండి ప్రభూ!

దేవుడు కళ్ళు మూసుకొలేదని నిరూపించండి!!

kathaku prize

2009-08-25T10:50:00.000+05:30

anukokunda naa kathaku prize vachiindi adikuda RACHNA lo . kathalu rayadum malle modalinappudu prize ravadam voka boost. andariki cheppukovalani aasa vunna naa blag yevavu chustharo theliyadu....anduke nirasa.....blog prapanchamlo yedigedi yelago yevaraina chebithe baguntundi...

http://www.koumudi.net/Monthly/2009/october/index.html

Granny's visit to USA

2007-12-11T23:53:00.000+05:30

USA,the dreamland for every educated in India
landing on such a country was an honour for Granny
everything looked so different
beautiful roads with greenary all around
wooden houses look so cute with well planned yardst
snowfalls & minus temperatures,
apple trees on the roads,no one picks them or steals!!!
smoke detectors & house alarms
bathrooms r called rest rooms
no buckets , no mugs
use shower and the tissues?
swithches & the locks work ulta
no milk man to wake u up in the morning
gas in tubeS!!!!!!can never imagine!!!!
call 911 for any crisis,service is instantaneous
every thing looks so comfortable
but for granny there is void
as nobody walks on the roads
no neibhour to chit chat with
no regional channel unless u have a dish
she missesthe crowds on the roads
shopping on her own
sun drying of her sarees
no gossip,life looks so empty on this beautiful world
she wants to get back to where she belongs
even if the roads r dirty
even if the people r poor
even if they steal guavas from her back yard
the land is so adorableshe loves to be in her Motherland!!!

అందమైన అనుభవం

2007-12-02T04:19:00.000+05:30

అమెరికా వచ్చిన బామ్మ గా ఎన్నో అనుభవాలు.అందరితో పంచుకోవాలని ఆశ. ౬౦ ఏళ్ళ వయసులో ఒ అందమైన అనుభవం నమ్మశక్యం కావటం లేదు.

Naa modaTi blaagu

2007-12-02T04:02:00.000+05:30

నా మొదటి బ్లాగు