అమెరికా అడ్జస్ట్ మెంట్ [America adjustment]

అమెరికా అడ్జస్ట్ మెంట్

[America adjustment]

‘ Don’t touch my things , I don’t like it ‘

రవి గొంతులోని కర్కసత్వాన్ని గుర్తించడం తో కొంచం గాబరా అయ్యింది కాంతమ్మకు .

‘what is it Ravi?’ కాంతమ్మ కోడలు పద్మ అడిగింది కొడుకు రవిని .

“I don’t like nannamma in my room’ కోపంగా అన్నాడు రవి .

“ you shoud not say that ravi .నాన్నమ్మ ఇండియా నుండి మనకోసం ఇంతదూరం వచ్చింది కదా , మరో రూము ఇవ్వ్వడానికి లేదు కదా.so you have to share Ravi” నచ్చచెప్పడానికి చూసింది పద్మ .

I don’t like to share “ అతని అయిష్టం స్పష్టంగా కనపడింది .

“పోనీ లేమ్మా ....కొత్తకదా ....కొద్దిరోజులైతే సర్డుకుంటాడు “ అంది కాంతమ్మ అనునయంగా .

ఈ చిన్ని సంఘటనతో కొడుకు దగ్గరికి వచ్చిన సంబరం కాస్త చప్పబడినట్టయ్యింది కాంతమ్మకు .

********** *************** ***************

రవి పుట్టిన అయిదేళ్లకు పద్మకు మళ్ళి ప్రేగ్నన్సి వచ్చింది . నెలలు నిండాక వాళ్ళ అమ్మను పిలుచుకుందాం అనుకుంది. అనుకోకుండా పద్మనాన్నకు హార్ట్ అటాక్ వచ్చి జబ్బు పడటంతో ఈసారి అత్తగారిని రప్పించుకుంది .శ్రీకాంత్ పద్మల పెళ్లి తరువాత ఇండియాకి రెండుసార్లే వచ్చారు. .చివరిసారి రవికి రెండేళ్లు వున్నప్పుడు .ఆ తరువాత పద్మ కూడా జాబ్ చెయ్యడం మొదలు పెట్టినప్పటినుండి ఇండియా రావటం కుదరలేదు.అందుకే రవికి వాళ్ళ నాన్నమ్మ అంతగా గుర్తు లేదు .తన రూము లోకి పరాయి మనిషి ఎంటర్ అయిన ఫీలింగు వచ్చింది.పైగా అతనికి నాన్నమ్మ కట్టు బొట్టూ తీరు అస్సలు నచ్చలేదు . ఏదో వింతగా అనిపించింది .నాన్నమ్మ తల ముడి మరీ నాసిరకంగా అనిపించింది .

******** *************** ****************

” ఇంకా ఎన్ని రోజులు పని చెయ్యాలి పద్మా ..కానుపు టైము దగ్గర పడుతోంది కదా ..సెలవు పెట్టవచ్చేమో “

“ఇండియా లో లాగా ఎన్ని రోజులంటే అన్నీ రోజులు సెలవు దొరకదు అత్తయ్య. డెలివరి అయ్యాక సెలవు ఎక్కువ అవసరం కదా. అందుకే చివరి దాకా పని చెయ్యడమే మంచిది .”అండి పద్మ.

శ్రీకాంత్ పద్మ ఆఫీసుకు వెడుతూ రవిని ప్రీ స్కూల్ లో వదలి వెడతారు , తిరిగి రావటం సాయంకాలమే ..

ఎంతో అందం గా వున్నా ఇల్లు ,పాత్రలు కడగడానికి మిషన్ , బట్టలు వుతకదానికి మిషన్ ,ఆఖరికి ఇల్లంతా కార్పెట్ట్టు అవడంతో వూ డ వకుండా దుమ్మును suck చేసె vaccum cleaner..ప్రతిదీ వింతగానే వుంది కాంతమ్మకు. వచ్చిన రెండు రోజుల్లోనే కొన్ని ఇబ్బందులు ఎదురయ్యాయి. బక్కెట్టు మగ్గు లేని బాత్ రూం చాలా ఇబ్బంది పెట్టింది .పద్మ భర్తను శ్రీ....శ్రీ ...శ్రీ అని పిలవడం వినడానికి కష్టం గ అనిపించింది ..ఇక కారులో రవికి ,తన సీటు పక్కన నాన్నమ్మ కూర్చుంటే కూడా నచ్చడం లేదు . చిన్నపిల్లాడు కదా మాలిమి చేసుకోగలను అనుకున్న కాంతమ్మకు ప్రస్నార్తకమే మిగిలింది.

************* *************** ******************* **********

“ చామ దుంప వేపుడు చెయ్యనా ఈరోజు? శ్రీకాంత్ కు చాలా ఇష్టం ..” మాట పూర్తి కాకుండానే పద్మ అందుకుంది .

“ వద్దు అత్తయ్యా ...deep fry వి ఏమీ శ్రీ కి ఇవ్వడంలేదు .తనకి cholestral కొంచం ఎక్కువగా వుండి అందుక నీ అందరం నూనె వాడకం తగ్గించాము ...”

“ పోనీ చెయ్యమ్మా ..నీవు వేపుడు చేస్తే ఎంత ఇష్టం గా తినేవాడిని ‘ అని కొడుకు అంటాడని ఆశగా చూసింది శ్రీకాంత్ వైపు . కానీ అతను ఏమీ మాట్లాడక పోవటం ఇబ్బందిగా అనిపించింది .

దేవుడి కి దీపాలు వెలిగించి అగరొత్తులు తిప్పి కొన్ని శ్లోకాలు చెప్పుకుంటూ తులసి చెట్టు కొసం వెదుకుతున్న కాంతమ్మ కి

“అత్తయ్యా !! ‘అని గట్టిగా పిలుస్తున్న పద్మ గొంతు విని .

“ ఏమిటి? “ అండి

“ ప్లీజ్ అత్తయ్యా మీరు దీపాలు వెలిగిస్తే పర్లేదు కానీ వెంటనే ఆర్చేయ్యండి. ఇల్లంతా చెక్కలతో చేసినవి కదా ఏదైనా అంటుకుందంటే smoke detector పేద్దగా కేకేస్తుంది .. ఆపై పోలీసులు వస్తారు ..”

నిజమే ఇల్లు చెక్కలతో చెయ్యబడింది కదా తనూ ఆలోచించాల్సింది .కానీ దేవుడికి దీపం పూజ ఇన్నేళ్ళ అనుభవం కదా ..పెట్టిన దీపాన్ని వెంటనే ఆర్పెయ్యడం ఎంత అపరాధమో ....

“ తులసి మొక్క లేదనీ తెలీలేదు .వచ్చేటప్పుడు కాస్త విత్తనాలు తెచ్చేదాన్ని ..”

“మీరు విత్తనాలు వేసిన ఈ చలికి అవి మొలకేత్తేవి కాదులే అత్తయ్య .అందుకే పూజా, తులసి అన్నీ వదలుకుని అడ్జస్టు అయ్యాం...”

అడ్జస్టు....అన్న పదమోక్కసారిగా రవి నీ గుర్తుచేసింది ..ఇండియా లో అయితే మనవలతో ఎంతో దగ్గరగా చేర్చే నా న్నమ్మలు అమెరికా వచ్చాక మనవలతో అడ్జస్టు కావలసినదేనా? అనుబంధం ఎప్పుడు పెరుగుతుంది ?..

‘నాన్నమ్మ bed time stories చెబుతుంది ‘అని పద్మ ఎంత బతిమలాడినా నాన్నమ్మ పక్కన పడుకోనని మొండికేసి తల్లిదండ్రుల దగ్గరే ‘అడ్జస్టు” అవడానికి రవి సిద్దపడే సరికి ఏడుపొచ్చినంత పనయ్యింది కాంతమ్మకు ..పప్పు అన్నం పెడుతూ ,చందమామ నూ చూపుతూ చిన్ని చిన్ని కథలను వినిపించి మనవడితో మురిసిపోవాలనుకున్న కాంతమ్మకు నిరాశే ఎదురైంది ..

రెడిగా దొరికే MAC & CHEESE, NUGGETTS, JELLIS, PITZAA లతో కడుపు నింపుకునే రవికి నెయ్యి వేసిన పప్పన్నం

రుచి ఎలా తెలుపాలో అర్థం కాలేదు కాంతమ్మకు .

“ వాడిని కాస్త మచ్చిక చేసుకోండి అత్తయ్యా ..baby పుట్టా క కష్టం అవుతోంది..”

“ వాడు మరీ ‘చీ ‘ కొడుతూంటే ఎలా ? “సందేహంగా అడిగింది.

“పెద్దవారు మీరు కూడా పంతాలకు పొతే ఎలా? ఓ పదిసార్లు ఛీ కొట్టినా నెమ్మదిగా దగ్గరికి చేర్చుకోవాలి కదా “

అలా ప్రయత్నించినప్పుడే తన ముఖం మీద కళ్ళ అద్దాలు పడిపోయ్యేలా విదిలించి కొట్టాడని రవి గురించి చెప్పాలా ..వద్దా...అర్థం కాలేదు ..తల్లి తండ్రిని తప్ప మరో మనిషిని రవి accept చెయ్యలేక పోతున్నాడనేది మాత్రం పచ్చి నిజం !!

పద్మ డెలివరి అయ్యాక కూడా కొన్ని ఇబ్బందుల్ని ఎదుర్కోవాల్సి వచ్చింది . పసి పిల్లాడికి కాస్త జలుబు చేస్తే , కొంచం పసుపు నీళ్ళలో కలిపి వేడి చేసి పట్టు వేస్తె తగ్గి పోతుం ది అని చెప్పబోయింది కోడలికి .

“ అవన్ని పాత పద్దతులు అత్తయ్యా ‘ అంటు డాక్టర్ దగ్గరికి తీసుకేడుతున్న కోడలిని చూసి నివ్వెర పడింది .

కాస్త జలుబుకే డాక్టరా ???

మరురోజు ఆగని వెక్కిళ్ళ కొసం అర్ధరాత్రి Emergency Room కి వెళ్ళిన వాళ్ళు తెల్లారాక వస్తే అసలు విషయం ఏమిటో అర్థం కాలేదు కాంతమ్మకు . Emergency room అంటే emergency గా చూడరా ????

‘యిరవై నాలుగు గంటలు diaper లోనే వుంటే ఎలాగా కాస్సేపు వదిలెయ్యి పద్మా గాలి తగలనీ ...” అన్నప్పుడు

“ అలా అలవాటు చేస్తే కష్టం అత్తయ్యా ..ఇక్కడ ఇలాగే ..”

అయిదేల్లయినా లాగూ వదిలేసి వీధి వెంట పరుగెత్తిన శ్రీకాంత్ గుర్తుకు వచ్చాడు ఆమెకు ...అల్లా తిరిగిన శ్రీకాంత్ అమెరికా దాకా ఎదగలేదూ ??

*************** ************************ ********************

ఆరోజు కాంతమ్మ తిరుగు ప్రయాణం ఇండియా కి ...

ఎప్పుదూ గల గలా మాట్లాడుతూ వుండే శ్రీకాంత్ తల్లితో కనీసపు మాటలు మాట్లా డా నికి తీరిక దొరకని సమయాలు, ఎంత నాన్నమ్మ అయినా కొత్త మూడో మనిషిగా వొప్పు కోనీ రవి మనస్తత్వం ,పూజలు , పునస్కారాలు ఆహారపు అలవాట్లు అమెరికాతో adjust అయిన పద్మ ....ఇవన్ని ఎంత సరిపెట్టుకున్దామన్న అమెరికా వాతావరణానికి , అలవాట్లకి ,కట్టు బొట్టూ తీరుకి ఆహారంలో మార్పులకి ..తెలుగు మాట్లాడని మనవలకి adjust కాలేని కాంతమ్మ హృదయం బరువేక్కడం తో బాధగా aeroplane ఎక్కింది .

*********************

రచన – లక్ష్మీ రాఘవ

8 comments:

Anonymous said...

ఇలాటి అనుభవాలకి అమెరికా దాకా వెళ్ళఖ్ఖర్లేదు......

Anonymous said...

Chala baaga undi..

వనజ తాతినేని/VanajaTatineni said...

చాలా కదిలించింది. వాస్తవాలు నూరు శాతం ఇలాగే ఉంటున్నాయి. బంధాలు-అనుబంధాలు లేక మార్పుతో పరుగులు పెడుతున్న కాలం ఇది. సర్డుకుపోక తప్పదు.తప్పని సరి కూడా అయినది . :(

Lakshmi Raghava said...

harephala గారూ
మీరన్నది కరెక్ట్ ..ఈ కథ రాసినప్పుడు ఇదీ ఇండియాలోనూ జరుగుతుంది అనిపించింది..
ధన్యవాదాలు
లక్ష్మీ రాఘవ

Lakshmi Raghava said...

వనజవనమాలిగారు,
సర్దుకు పోక తప్పదు అన్న మీమాట చాలా వర్తిస్తుంది ఎక్కడవున్నా..
ధన్యవాదాలు
లక్ష్మీ రాఘవ

Lakshmi Raghava said...

thank you
anonymus garu

Meraj Fathima said...

meeru raasinadi chadivi koncham kastam vesindi, kaanee manam chaalaa varu thechhukunnave ivi pillalni chaduvula perutho ,udyoraala peruthho dooram chesukunnaam . ika pote idi india lo kuda jarigede. tharaala madya bedam. manasuku sradi cheppukovatam samanjasam.

Lakshmi Raghava said...

thank you Miraj
lakshmi raghava

Copyright © 2009 - బామ్మ గారి మాట - is proudly powered by Blogger
Smashing Magazine - Design Disease - Blog and Web - Dilectio Blogger Template